Duela 14.000 urte gure arbasoak nola bizi ziren irudikatzeko aitzakia paregabea eskainiko du VIII. Ekainfest honek. Sua nola egiten zuten, ehiza egiteko teknikak, orduko janzkera eta artea bertatik bertara ikusteko parada.

2008an Unescok Gizateriaren Ondare izendatu zuen Ekaingo koba, eta handik bi urtera jarri zen martxan, lehen aldiz, Ekainfest ekimena (Ekaindarren eguna, hasiera batean). Bi helburu nagusi zituen: alde batetik, Zestoako ondare historiko eta kulturala (batez ere historiaurrea eta Ekain) ezagutzera ematea eta herri gunera erakartzea. Eta, bestetik, herriko elkarte eta herritarren parte-hartzea sustatzea, antolatzen diren kultur eta herri ekimenetan. Urtetik urtera indarra hartzen joan da eguna eta sustatzaileak ere ugalduz joan dira: Ekainberri, Sastarrain Baserri Eskola, Zestoako Udala, Zestoan merkatari elkartea, tabernariak, Zestoako Bainuetxea…

Aurtengo zortzigarren edizio honetara iritsi arte, Ekainfest eguna borobiltzen joan da urtez urte eta, aurtengoak ere, oso egitarau zabala eta osoa du, denborak eskaintzen duen esperientziak eta eragile guztien laguntzaz sortuta.

Aurten nabarmendu nahiko genituzkeenak ondorengo hauek dira:

• Tren txu txua bailaratik ibiltzeko. Herriko plazan izango du irteera eta Ekaingo kobaraino joango da. Egun osoan doako zerbitzua izango du.
• “Irrien Lagunen” ikuskizuna herriko plazan arratsaldeko 18:30etan. “Zatoz jolastera” zu izena ikuskizunak eta historiaurreko garaira moldatutako ikuskizuna izango da.
• Zestoako hainbat jatetxek menu bereziak prestatu dituzte prezio berezietan:
  Mollergi taberna – 943 147 657
  Agustin taberna – 943 897 331
  Sastarrain Baserri Eskola – 943 148 115
• Ekainberriko IV. Historiaurreko Olinpiadak arratsaldeko 16:00etan izango dira Ekainberrin. Aurten lehengo aldiz olinpiadak Ekainberrin bertan izango dira eta parte hartzeko izen emateko aukera zabalik dago oraindik.
  Izena emateko: 943 868 811 – info@ekainberri.com