XV. mende bukaerako gotiko itxurako dorretxea da, Zestoako arte ondarearen elementurik esanguratsuenetako bat da eta 1984an Probintziako Monumentu Historiko bezala kalifikatua izan zen. Liliko jaunen botere ekonomiko, politiko eta sozialaren adierazpen bikaina da, Gipuzkoako probintziako familiarik garrantzitsuenetako baten bizimoduaren erdigunea, bere arkitekturaren kalitatea ere familiaren estatusarekin bat dator. Lili familiak Jauregi bikain honetatik zuzentzen zituen bere domeinuak: maizterrei emaniko hainbat baserri, errotak, burdinolak, hainbat baso… Lilitarrak nobleziako kide ziren, baina ez noblezia gerlari batekoak, Erdi Aroan Euskal Herria odolustu zuten bando gerretan neutral mantendu ziren eta bolada batean euren Jauregia Probintziako presondegi ere izan zen. Denborarekin, Jauregi zaharra Aro Modernoko behar sozial berritarako deserosoa bihurtu zen eta bertako familia Zestoako hiribilduan zuten beste jauregi erosoago batera joan zen bizitzera. Lili Jauregia berriki zaharberritua izan da eta Magdalena de Amilibia bertara itzuli da, hainbat denboran zehar bere etxea izan zuena hustu eta ixten ari da, nahi duen guztia Lili Jauregiari bere agurra bizitzera gonbidatzen du.

---