Herriko Enparantza Nagusiaren mendebaldean kokatua, 1767an propio zezenketak ikusteko eginiko eraikina da. Ignazio Iberok diseinatu zuen, frontoiaz errematatutako logia bikoitz batek osatzen du, bi uretako teilatuak estalia, eta armarri bat dauka. Beheko solairutik goikora pasatzeko eskailera bat dauka. Historian zehar Zestoan zezenketek izan duten tradizioaren lekuko da eraikin hau, jatorrizko torilen beheko partea itxia izango zen, ez zuen gaur egungo estalpe irekirik izango, bost ate zituen silarrizko horma itxi bat izango zen, ate horiek barruko ukuiluetara sarbidea ixten zuten. 1943an egindako berrikuntza batean ireki ziren arku horiek, eraikinaren beheko partea azoka leku eta alondegi bezala erabiltzeko. Zezenketak ospatzen zirenean, lehen solairuko aretoan jarriko ziren agintariak eta margoturiko oihalak eta gortinak jarriko ziren bere izaera “ofiziala” azpimarratzeko.

---