Erdi Aroko hiribilduaren orube banaketa mantentzen duen plaza, kaleen zabaltze bat da, hiribildua inguratzen zuen harresiaren iparraldeko atea bertan zegoen. Pio Baroja idazlea etxe hauetako batean bizi izan zen 1894-1895 artean Zestoan herriko mediku izan zenean, horren oroigarri bezala plaka bat ikusi daiteke. Pio Barojak Zestoari buruz zituen oroitzapenak ez ziren oso atseginak, medikuntza ikasketak bukatu zituenean, Udalak herriko mediku bezala kontratatu zuen, Zestoa izan zen mediku bezala bere lehen eta azken helmuga, batetik medikuntza ez zuelako gustuko, bestetik, herri txiki bateko bizimoduak ito egiten zuelako.

---