Hiribilduko harresiaren ate nagusiaren ondoan kokatutako eraikina, harriz eta egurrez egina eta 2008an berreraikia. XVI. mendean Lili familiak eskuratu zuen eta “jantzi-etxe” gisa erabiltzen zuten hiribilduan ekitaldi sozialen batean-edo parte hartzen zutenean. Jatorriz etxe hau ez zen Lilitarren jabegokoa, Domenja de Lili bigarren ezteietan etxe horretako Manuel de Arzubiagarekin ezkondu zen eta elkarrekin sortu zuten Portalekoa maiorazkoa. Ordutik aurrera, Portalekoa etxeak eta Lili Jauregiak elkarren artean lotura nabarmena izan dute, baita fisikoki ere, zubi, eskailera eta lorategi sistema konplexu bati esker. Denbora luzez, Portalekoa etxea Lilitarren bigarrenen bizileku bezala erabilia izan zen, gerora “jantzi-etxe” moduan. XVII. mende bukaeran Lilitarrek ibaiaren beste aldeko jauregia maizterren eskuetan utzi zuten eta hiribilduko beste jauregi honetara etorri ziren bizitzera, etxe hau beraien behar sozialetarako egokiagoa gertatzen zelako.

---